خســـــــــــــــــــــــــــــــــــــــــــــــا ره

[ehsay555]

خساره كل غيمه في السماء تروى العطشان خساره يالغيوم الصغر وش جبتي على شأني

انا من يوم ميلادي وأنا عارف انا الخسران ولكن حكمة الله فالحياة أرضـى بـمـا جاني

أنـا جـيـت للـدنيا كـذا مـا جيـتهـا ولـــهان لقيت أني على جمر السنين الحمر وحــدانــي

أنا والهم والوحدة على طول الزمن اخوان على الحلوه على المره على صوتي على ألحاني

أنا جرحي حفظته في دروج السر والكتمان وفجر داخلي عالم يحاول يقطع أللســاني

أنا اللي كان صدري للخيول الجامحه ميدان وانا اللي طيبتي كانت شعور لـهمس وجداني

أنا اللي كنت غافل لين جتني طعنت الشريان نزفت العمر كله لين ضاعت قوة إيـمانـي

ترى طعنة حبيبك لا وصلت يا شينها بركان وأنا اللي طاح صدري في يدي وانهمرت أغصاني

تغير كل شى سرمدي وانعـدمت الألــــوان وصار اللون الأسـود من هنـا أســمي وعنواني

انا المجرم وأنا اللي قتلت بداخلي أنسـان قتـلـت الحب والطيبه بـعد مـا شـفت نـقـصانـي

أنا الحاكم انا الظالم انا عالم من الحرمان ومـن يـدخـل محـيـط الحـزن يبشرني ويلــقاني

أنا اللي خافقي مسجون وأحساسي هو السجان وضاع العمر مني ما قدرت اقبض على الجاني

أنا عالم غريب وعالمي ما يسكنه النسيان عـجـزت أنسى جروحي والزمن يسعى لنسياني

كفايه ما كتبت من وهم عمري على الجدارن كتبت آخــر قصيده من دمي على صدري بحرماني

[somaya]

عندما تعانق ذكراهم بشدة ..وتحاول كبت مشاعرك ..

فتستغيث بقلبك..ولا يجيبك إلا بعبارات الشوق..

وتحاول عبثا مع نفسك..فلا تجد سوى الذكرى ..

لعلّها تبقي على محياهم..

وقفة في لحظة لا أجد كلمة لتصفها


لعلها تكون كلمة خســــــــارة 000