معا ضد الغش مع حملة لا للغش!!!!!

[eman ebrahim]

السلام عليكم ورحمة الله وبركاته

مع أقتراب موعد الأمتحانات والناس بدأت تدخل في جو المذاكرة الجد وبقينا مشغولين في الأمتحانات ننزل كل يوم الصبح متوكلين على ربنا وبندعيه انه يوفقنا ويكرمنا في الأمتحان وندعيه انه يخلي كل صعب علينا سهل,بنروح وندخل قاعة الأمتحان ونستعين بالله ونبدأ نجاوب وفجأة تلاقي واحد صحبك\تك بيندهلك مش عارف أجابة سؤال وعاوزك تساعده(تغششه)وتقول\ي في نفسك ده صاحبي\تي,طيب عادي لما أقوله الأجابة (ان الله في عون العبد مادام العبد في عون أخيه) ومن هذا المنطلق تلاقي معظم اللي معاك\ي في الأمتحان بدأوا يساعدوا قصدي يغششوا بعض وطبعاا أكيد كلنا عارفين أن الكلام ده غلط وحرااااااااام

ومن هنا جت الفكرة أخت لينا في منتدى محبي مصطفى حسني أقترحت فكرة ان أحنا نعمل حملة صغيرة تمنع الغش وتبين حرمته وكبرت الفكرة وأتحققت, وفعلا لوجو الحملة اتعمل ونزل وأنا هنا في الموقع الجميل ده هنزل اللوجو والهدف من الحملة ,وبطلب من كل أخوانا وأخواتنا انهم يشاركوا معانا في الحملة ويوارونا بجد همة أمة محمد(عليه أفضل الصلاة والسلام)ونقضي على الظاهرة السلبية واللي بقت منتشرة في مجتمعنا وهي (الغش) عاوزين نطبع اللوجو وننشره على قد مانقدر وندخل ونقول طبعنا كام بوستر ووزعناهم فين هي حملة كدة على صغير زي بتاعة أستاذ عمرو خالد بندعي ربنا انها تكبر وتكبر علشان ربنا يفخر بينا ونكبر أحنا كمان عنده

مستنية أشوف الهمة العالية والتفاعل وطبعا مستنية أقتراحات حضراتكم بالنسبة للحملة

[eman ebrahim]

حملة : معا ضد الغش
ربنا ياااااااارب يجعله فى ميزان حسناتها
وحسنات كل اللى هيشارك فى الحملة يااااااااارب
الحملة ببساطة شديدة جدا يا جماعة كالتالى :





تعريف بسيط بأضرار الغش
+
صور معالجة الغش
+
لوجو خفيف للمساعدة فى تصحيح المفاهيم دى عندنا احنا كطلاب
ونشره طبعاااااااا هيوصله لزمايلنا واصحابنا





لكن جميل جدا اننا نحطها قدوة لينا فى الوقوف ضد الحاجة الغلط دى
يبقى أدوارنا كالتالى :
1/ الاقتناع الداخلى بالفكرة ... فالناهى عن خلق أحق أن لا يأتيه.
2/ التوعية السليمة لأهلنا واصحابنا ضد الخلق دا.
3\ محاولة نشر اللوجو كوسيلة لمحاربة الخلق السىء دا على نطاق أوسع.




أهداف الحمله (قابل للإضافة):
1- زرع قيمة صالحه في نفوس الطلاب ، والبعد بهم عن وعيد النبي صلى الله عليه وسلم (من غشنا فليس منا ).



2- زيادة الخير ونشره فى اوساط الشباب .



3- تحرك الشباب لخدمة الدين ، وحماية وإحياء سنة النبي صلى الله عليه وسلم.
4- التفاعل الايجابي مع دعاتنا ومرجعياتنا الاسلامية على الساحه (وتعاونوا على البر والتقوى).



5- تبليغ سنة النبي صلى الله عليه وسلم (بلغوا عني ولو آيه ) .




- أثناء الامتحانات واللجان .



أ- الحرص على إظهار القدوة منا لسائر الشباب (عمل رجل في الف رجل خير من قول ألف رجل في رجل ).




ب - إبلاغ المراقبين والمشرفين على اللجان بحالات الغش بعد التنبيه ودعوة الطالب بأسلوب مهذب وشديد الاحترام ، وبدون إحراج الطلاب أو المسئولين ، والحرص الشديييييييييييييد على كسب قلوب الجميع .




ج - قراءة الأذكار المستحبة عند دخول الامتحان واللجان بصوت عالي والطلب من الطلاب أن يرددوها ، وأن يستعينوا بالله. وسنذكر بعض هذه الأذكار.



بعد الامتحان :

التودد للطلاب والاتفاق على أن ندعو لبعضنا البعض أن ييسر الله لنا الامتحانات ، وصلاة ركعتي الحاجة ، فذلك من أعظم وسائل تبليغ السنه وتحبيب الناس في الله.



1- يا جماعه اللوجو ده لكل الناس سواء كانه طلاب او مش طلاب خريجين يعنى ياريت الناس كلها تنزل فى الكليات والمدارس وتوزع



2- ياريت الناس اللى هتوزع تدخل تقول هيا وزعت كام بوستر زى حملة حمايه كده علشان نعرف مدى الانتشار همتكواااااا ياجماعه
ربنا يبااارك فيكوااااااا

وده اللينك لتحميل البوستر

http://www.4shared.com/file/47241685/acddd09a/LoGoOo.html